Rusiyanın maaş kapitanları
Rusiyanın Əmək və Sosial Müdafiə Nazirliyi 2017-ci ilin ilk 6 ayı üzrə ən yüksək maaşları açıqlayıb.
Novator.az-ın məlumatına görə, siyahının başında aylıq 500 min rubl maaşla okean gəmisi kapitanı dayanır.
Ən yüksək maaşlı işçilər siyahısında ikinci yeri təyyarə kapitanı tutur. Bu işdə aylıq əməkhaqqı 320 min rubldur.
Üçüncü pillədə 312 min rubl maaşla qızıl mədəni baş texnoloqu vəzifəsi gəlir.
Cədvəldə sonrakı sıralama belədir: xokkey üzrə baş məşqçi – 300 min rubl, inşaat sahəsinin rəisi – 250 min rubl, diş həkimi – 200 min rubl.
Yüksək maaşlılar siyahısına risk-menecer, mühəndis-elektrik, informatika və hesablama texnikası sahəsində analitik, təyyarənin ikinci pilotu vəzifələri də daxildir.
Dövlət Statistika Xidmətinin məlumatına görə, ilk yarım ildə Rusiyada orta əməkhaqqı məbləği 38 min 700 rubl olub.
1000 rubl 29,6 manata bərabərdir.
Səidə Hüseynova
