Naxçıvanda 344 növ məhsula tələbat yerli istehsal hesabına ödənir
Naxçıvan Muxtar Respublikasının İqtisadiyyat Nazirliyindən AZƏRTAC-a verilən məlumata görə, 2017-ci ildə sahibkarlıq fəaliyyəti ilə məşğul olan 31 yeni hüquqi şəxs qeydiyyata alınıb.
İlin əvvəlindən bəri Sahibkarlığa Kömək Fondu 14 layihəni maliyyələşdirib, 389 min 600 manat həcmində kredit verilib.
Hesabata görə, muxtar respublikada sahibkarlar indiyədək 134 milyon 593 min 882 manat güzəştli kreditlər alıb.
İqtisadiyyat Nazirliyi qeyd edir ki, son illərdə muxtar respublikada 442 sənaye müəssisəsi yaradılıb. Bu müəssisələrdə 371 növdə məhsul istehsal olunur, 344 növdə məhsula olan tələbat tamamilə yerli istehsal hesabına ödənir.
