Baş redaktor karserə salınıb
Həbsdə olan Azel.tv saytının baş redaktoru Əfqan Sadıqov 14 günlüyə karserə salınıb.
Novator.az-ın məlumatına görə, bunu onun vəkili Elçin Sadıqov sosial şəbəkədə yaydığı açıqlamasında bildirib.
Vəkil iddia edir ki, Əfqan Sadıqov saxlandığı 17 saylı Cəzaçəkmə Müəssisəsində yazdığı və mediada dərc olunan yazılarına, tənqidi fikirlərinə görə cəzalandırılır.
Əfqan Sadıqov yanvarın 12-də Cəlilabad Rayon Məhkəməsinin çıxardığı hökmlə 2 il 6 ay müddətinə azadlıqdan məhrum edilib. O, qəsdən sağlamlığa az ağır zərər vurmada təqsirli bilinib.
