“Avroviziya 2017”nin qalibi reanimasiyada donor gözləyir
“Avroviziya 2017” mahnı müsabiqəsinin portuqaliyalı qalibi Salvador Sobral vətənində xəstəxanaya yerləşdirilib. Xəbər sentyabrın 25-i axşam yayılıb.
Reanimasiyada yatan müğənninin xüsusi aparata qoşulduğu, ürək köçürülməsi üçün donor gözlədiyi, növbədə ilk xəstə olduğu bildirilir.
Salvador Sobral bu ilin mayında Ukrayna paytaxtı Kiyevin ev sahibliyi elədiyi “Avroviziya 2017”nin finalında həm münsiflərin, həm də tamaşaçıların ən çox səsini alaraq 758 xalla zirvəni fəth edib.
Novator.az bildirir ki, Salvador Sobral 1989-cu il dekabrın 28-i Lissabonda doğulub. Zadəgan nəsildəndir. Uşaqlığı ABŞ-da və İspaniyada keçib. Lissabon Ali Tətbiqi Psixologiya İnstitutunda oxuyub, amma təhsilini yarımçıq qoyub, sonra Barselonada musiqi təhsili alıb.
Uşaqlıdan ürək çatışmazlığından əziyyət çəkən müğənni bu ayın əvvəlində səhnədən ayrılmalı olub
