Şamaxıda sahibkarlara kreditlər verildi
İqtisadiyyat Nazirliyinin Sahibkarlığa Kömək Milli Fondu sentyabrın 21-i Şamaxı rayonunda işgüzar forum keçirib. Forumda Şamaxı və ətraf rayonlarda fəaliyyət göstərən sahibkarlıq subyeklərinə 277 min manat güzəştli kredit verilib.
Kreditlərin əsasən heyvandarlıq və əkinçilik sahələrinin inkişafına yönəldiləcəyi, 30-dan çox yeni iş yerinin yaradılmasına imkan verəcəyi bildirilib.
İqtisadiyyat Nazirliyinin məlumatına görə, forumda qeyd olunub ki, indiyədək Dağlıq Şirvan iqtisadi rayonunda 1900-dək investisiya layihəsinin maliyyələşdirilməsinə 69,3 milyon manat, Şamaxı rayonunda fəaliyyət göstərən sahibkarlıq subyektlərinin 401 investisiya layihəsinin maliyyələşdirilməsinə 23,2 milyon manat güzəştli kredit ayrılıb.
