Məzənnələrdə geriləmə
Sentyabrın 21-də xarici valyutaların bir çoxu, o cümlədən avro ucuzlaşıb. Novator.az-ın məlumatına görə, ötən gün 2,0421 manata satılmış avroya indi 2,0209 manat qiymət qoyulub.
Kursları düşən gürcü larisi 0,6863, ingilis funt sterlinqi 2,2939, Rusiya rublu 0,0292, türk lirəsi 0,4853 manata satılır.
ABŞ dollarının məzənnəsi isə dəyişməz qalıb: 1,7007 manat.
2017-ci ildə dollar 1,7707 manatla start götürüb. Ən yuxarı rəsmi qiymət yanvarda 1,9165, fevralda 1,92, martda 1,7563, apreldə 1,7244, mayda 1,7026, iyunda 1,7023, iyulda 1,7022, avqustda 1,701 manat olub.
Sentyabr 1,701 manatla başlayıb, ayın 6-da kurs 1,7009 manata, ayın 13-də 1,7008 manata, ayın 15-də 1,7007 manata düşüb.
