Baş redaktor ürəyindən əməliyyat olunub
Pressday.az saytının baş redaktoru Azər Hüseynbala sentyabrın 21-i Bakıdakı Mərkəzi Klinik Xəstəxanada ürəyindən əməliyyat olunub.
Azər Hüseynbalanın oğlu Turqut Novator.az-a bildirib ki, sentyabrın 19-u gecə atası qəflətən özünü pis hiss edib. Ürəyi sancan jurnalist təcili yardımla Bakıdakı Kardiologiya Elmi-Tədqiqat İnstitutuna çatdırılıb. Orada Azər Hüseynbalaya infarkt diaqnozu qoyulub və jurnalist Mərkəzi Klinik Xəstəxanaya köçürülüb.
Hazırda Azər Hüseynbala xəstəxananın reanimasiya şöbəsindədir, vəziyyəti sabitdir.
1962-ci ildə Şəkidə anadan olan Azər Hüseynbala Bakı Dövlət Universitetinin jurnalistika fakültəsini bitirib. Ölkənin bir çox aparıcı qəzetində müxtəlif vəzifələrdə çalışıb, bir neçə qəzetin redaktoru olub. Pressday.az saytının baş redaktoru postunu 2016-cı ildən tutur.
