Olimpiya Stadionu “Qarabağ”ın oyununa hazırlanır
Bakı Olimpiya Stadionu UEFA Çempionlar Liqasının qrup mərhələsində yarışan Azərbaycan komandası “Qarabağ”ın ilk ev oyununa hazırlanır. Arenanın hibrid ot örtüyü ilə təchiz edildiyi bildirilir. Bu örtük Azərbaycanda ilk dəfə tətbiq olunur.
“Qarabağ” C qrupunda İngiltərənin “Çelsi”, İspaniyanın “Atletiko”, İtaliyanın “Roma” komandaları ilə mübarizə aparır. Qrupda oyunlara sentyabrın 12-də start verilib. Həmin gün “Qarabağ” Londonda “Çelsi”yə 0:6 hesabı ilə uduzub.
Sentyabrın 27-də “Qarabağ “ Bakıda “Roma”nı qəbul edəcək.
Bakıda növbəti oyun oktyabrın 18-də “Atletiko” ilə olacaq.
Oktyabrın 31-də “Atletiko”ya qonaq gedəcək “Qarabağ” noyabrın 22-si Bakıda “Çelsi” ilə görüşəcək, qrup turnirini dekabrın 5-i İtaliya paytaxtında “Roma” ilə oyunda bitirəcək.
Bakı Olimpiya Stadionu 68 min 500 tamaşaçı tutur.
Fotolar Azerisport.com-undur.
