Bir ayda 7589 vergi ödəyicisi qeydiyyatdan keçib
Vergilər Nazirliyi bildirir ki, 2017-ci ilin avqust ayında 7589 vergi ödəyicisi (1099 hüquqi şəxs, 6490 fiziki şəxs) qeydiyyatdan keçib.
Hesabata görə, ay ərzində Vergilər Nazirliyinin Çağrı Mərkəzinin əməkdaşları canlı əlaqə zamanı daxil olmuş 16562 zəngi cavablandırıb. Vergi ödəyicilərinin məlumatlandırılması məqsədilə ikitərəfli mesaj xidmətinin istifadəçilərinə 73304 SMS göndərilib.
Avqustda Vergilər Nazirliyinin rəsmi internet səhifəsinə 38577 daxilolma qeydə alınıb.
Vergi ödəyicilərinə xidmət strukturlarında 28272 vətəndaş qəbul edilərək onlara 43019 sayda xidmət göstərilib.
