Ümumrusiya Azərbaycan Konqresinin şikayəti təmin olunmadı
Ümumrusiya Azərbaycan Konqresinin (ÜAK) Rusiya Ali Məhkəməsinin qərarından apellyasiya şikayəti üzrə proses başa çatıb. APA-nın məlumatına görə, Ali Məhkəmənin Apellyasiya Kollegiyası şikayəti təmin etməyib, birinci instansiyanın qərarı qüvvədə qalıb.
Rusiya Ali Məhkəməsi bu il mayın 15-də Ədliyyə Nazirliyinin istəyi ilə ÜAK-nin qeydiyyatının ləğvinə qərar verib. Ədliyyə Nazirliyinin iddiasında 2001-ci ildən fəaliyyət göstərən ÜAK-də nəzarət-təftiş tədbirləri zamanı Rusiya qanunvericiliyinin və qurumun nizamnaməsinin pozuntularının aşkarlandığı, nöqsanların aradan qaldırılması tövsiyələrdən nəticə çıxarılmadığı əsas gətirilib.
ÜAK prezidenti Fazil Qurbanov Apellyasiya Kollegiyasının qərarından Ali Məhkəmənin Rəyasət Heyətinə müraciət olunacağını deyib.
