Rusiyada qətl törətmiş azərbaycanlı təslim oldu
Rusiyanın Xabarovsk diyarının azərbaycanlı sakini Anar Əliyar oğlu Allahverənov hüquq mühafizə orqanlarına təslim olub. Novator.az bildirir ki, xəbəri Federal Təhlükəsizlik Xidmətinin yerli idarəsi sentyabrın 19-da yayıb. Anar Allahverənovun Xabarovskdakı 1 saylı İstintaq Təcridxanasına yerləşdiriləcəyi bildirilir.
Qarışıq döyüş növləri ilə məşğul olan Anar Allahverənov bu il avqustun 20-də pauerliftinq üzrə dünya çempionu Andrey Draçovu öldürüb. Xabarovskun “Qalereya” kafesində baş verən mübahisə dava ilə nəticələnib, ağır kəllə-beyin travması alan 23 yaşlı Andrey Draçov xəstəxanada keçinib.
25 yaşlı Anar Allahverənov hadisə yerindən qaçmış, məhkəmə onun haqqında həbs qətimkan tədbiri seçmişdi.
