İqtisad Universitetində yoxlama: iş prokurorluğa getdi
Hesablama Palatası Kollegiyasının iclasında dövlət büdcəsindən Azərbaycan Dövlət İqtisad Universitetinə ayrılan vəsaitlər və büdcədənkənar daxilolmalar üzrə auditin nəticələri üzrə müzakirə olunub. Sentyabrın 19-da yayılan rəsmi məlumata görə, 2012-2014-cü illərdə təhsil haqqı üzrə daxilolmaların uçotunun aparılması, təhsil haqlarının yığılması və universitetin bank hesabına köçürülməsi sahəsindəki nöqsanların ciddiliyi, eləcə də təhsil haqqı üzrə debitor-kreditor borclarının uçotdan yayındırılması nəzərə alınaraq materialların Baş Prokurorluğa göndərilməsi barədə qərar qəbul edilib.
Qərarın icrasını təmin etmək məqsədilə aidiyyəti dövlət qurumlarına təqdimatlar göndəriləcək, Milli Məclisə audit tədbirinin nəticələri barədə məlumat veriləcək.
