Yeni təlimlərə 15 min nəfər cəlb olunub
Azərbaycanın müxtəlif qoşun növlərinin və qisimlərinin iştirakı ilə genişmiqyaslı təlimlər başlayır. Müdafiə Nazirliyinin rəsmi məlumatına görə, sentyabrın 18-dən başlayan təlimlərə 15 min nəfərədək şəxsi heyət, 150-dən artıq tank və zirehli texnika, 120-dək müxtəlif çaplı raket və artilleriya qurğusu, reaktiv yaylım atəş sistemi və minaatan, 20 ədəd müxtəlif təyinatlı döyüş aviasiyası, eləcə də yeni növ radioelektron kəşfiyyat vasitələri və pilotsuz uçuş aparatları cəlb olunur.
Mürəkkəb dağlıq relyef və radioelektron, həmçinin digər xarakterik xüsusiyyətlər şəraitində keçirilən təlimlərdə qoşunlar müasir ümumqoşun əməliyyatlarının keçirilməsinin müxtəlif üsullarının icrası üzrə bacarıq və vərdişləri praktiki olaraq təkmilləşdirəcəklər.
Sentyabrın 22-dək davam edəcək təlimlərin müvafiq mərhələləri zamanı müxtəlif poliqonlarda yeni silah sistemlərinin də istifadəsi ilə döyüş atışlarının keçirilməsi nəzərdə tutulur.
