Milli çempionatların gedişi
Novator.az Avropa ölkələrinin milli futbol çempionatlarının gedişinə nəzər salıb.
İngiltərə çempionatında 5 turdan sonra “Mançester Siti” və “Mançester Yunayted” şərikli liderlik edirlər. Hər iki komanda 13 xal toplayıb.
“Çelsi” 10 xalla üçüncü pillədə dayanır.
4 turu geridə qalan Almaniya çempionatında “Borussiya” (Dortmund) və “Hannover” 10 xalla önə çıxıblar.
“Bavariya” və “Şalke” 9 xalla sonrakı iki pilləni bölüşürlər.
İspaniya çempionatında 4 turun yekununda “Barselona” şəriksiz liderdir: 12 xal.
“Sevilya” 10 xalla ikinci, “Real Sosyedad” 9 xalla üçüncü yerdə gedir.
Paytaxt klubları “Real” və “Atletiko” 8 xal yığıblar.
İtaliya çempionatında ilk üç pilləni “Napoli”, “Yuventus” və “İnter” tutur. Bu komandalar 4 turda xal itirməyiblər.
Liderləri 10 xalla “Latsio” izləyir.
PSJ 6 turdan sonra Fransa çempionatında zirvədə dayanır. Parislilər 18 mümkün xalın hamısını toplayıblar.
“Monako” 15 xalla ikinci, “Sent-Etyenn” 13 xalla üçüncüdür.
Hollandiya çempionatında 5 turdan sonra “Feyenoord”, “Alkmaar” və PSV eyni nəticə göstəriblər. Onların hər birinin 12 xalı var.
“Herenven” liderlərdən 1 xal geri qalır.
“Portu” və “Sportinq” 6 turdan sonra Portuqaliya çempionatında turnir cədvəlinin zirvəsində qərar tuturlar: 18 xal.
“Maritumu” 15, “Benfika” 13 xal yığıb.
Türkiyə çempionatında 5 turdan sonra 13 xalla “Qalatasaray” öndə gedir.
Ukrayna çempionatında 9 turun ardından “Dinamo” və “Şaxtyor” 22 xalla liderliyi bölüşürlər.
Rusiya çempionatında 10-cu turun əksər oyunları geridə qalıb. “Zenit” (9 oyun keçirib) və “Krasnodar” 21, “Lokomotiv” (9 oyun keçirib) 20 xal yığıb.
