Gəlirlərin 85,8 faizi istehlaka xərclənib
2017-ci ilin yanvar-avqust aylarında Azərbaycan əhalisinin gəlirləri əvvəlki ilin müvafiq dövrünə nisbətən nominal ifadədə 7,6 faiz artaraq 31 milyard 770,8 milyon manata çatıb. Dövlət Statistika Komitəsi belə hesabat yayıb.
AZƏRTAC-ın məlumatına görə, rəsmi hesabatda bildirilir ki, 8 ayda əhalinin hər nəfərinə düşən gəlirlər orta hesabla 3269,1 manat olub, aya 408,6 manat düşüb.
8 ayda gəlirlərin 85,8 faizi son istehlak xərclərinə, 8,6 faizi vergilərin, sosial sığorta və könüllü üzvlük haqlarının, 1,8 faizi kreditlər üzrə faizlərin ödənilməsinə sərf edilib, 3,8 faizi isə yığıma yönəldilib.
Bütün icbari və könüllü ödənişlər edildikdən sonra əhalinin sərəncamında 29 milyon 46 min manatlıq vəsait qalıb.
