Elçin İsmayıllı 9 il müddətinə azadlıqdan məhrum edildi
Sentyabrın 18-də Şəki Ağır Cinayətlər Məhkəməsində hakim Rəşid Hüseynovun sədrliyi ilə jurnalist Elçin İsmayıllıya hökm oxunub.
Novator.az-ın məlumatına görə, “Azadlıq” qəzetinin bölgə müxbiri Elçin İsmayıllı 9 il müddətinə azadlıqdan məhrum edilib. O, Cinayət Məcəlləsinin 182-ci (hədə-qorxu ilə tələb etmə) və 308-ci (vəzifə səlahiyyətlərindən sui-istifadə) maddələri ilə təqsirli bilinib.
Vəkil Elçin Sadıqov hökmdən apellyasiya şikayəti verəcəklərini deyib: “Elçin İsmayıllı heç bir cinayət törətməyib və bu, məhkəmədə də sübut olunub”.
Ötən məhkəmə iclasında prokuror Elçin İsmayıllıya 10 il həbs verilməsini təklif etmişdi.
Elçin İsmayıllı bu il fevralın 17-dən həbsdədir. O, İsmayıllı rayonunda tutulub.
