Dollarda sabitlik, avro və rublda yenilik
Azərbaycan Mərkəzi Bankı sentyabrın 18-də ABŞ dollarının məzənnəsini 1,7007 manat səviyyəsində saxlayıb. Bu rəsmi kurs ötən həftənin son iş günündə qüvvəyə minib.
Novator.az-ın məlumatına görə, avro dəyər artıraraq 2,026 manatdan 2,0309 manata qalxıb.
Rusiya rublu isə ucuzlaşıb. Sentyabrın 15-də banklara 0,0296 manata satılmış rubl bu gün 0,0295 manata təklif olunur.
Gürcü larisinə 0,6851, ingilis funt sterlinqinə 2,3113, türk lirəsinə 0,4947 manat qiymət qoyulub (Məzənnələr).
2017-ci ildə dollar 1,7707 manatla start götürüb. Ən yuxarı rəsmi qiymət yanvarda 1,9165, fevralda 1,92, martda 1,7563, apreldə 1,7244, mayda 1,7026, iyunda 1,7023, iyulda 1,7022, avqustda 1,701 manat olub.
Sentyabr 1,701 manatla başlayıb, ayın 6-da kurs 1,7009 manata, ayın 13-də 1,7008 manata, ayın 15-də 1,7007 manata düşüb.
