Vergi orqanlarına müraciətlərin 68,2%-i müsbət həll olunub
Avqust ayında vergi orqanlarına 8828 müraciət daxil olub. Bu, ötən ilin müvafiq dövrü ilə müqayisədə 35,9% çoxdur.
Vergilər Nazirliyinin rəsmi hesabatına görə, müraciətlərin 86,1%-i ərizə, 13,7%-i şikayət, 0,2%-i təklifdir. Onların 31,3%-i müxtəlif arayışların alınması, 42,4%-i kameral vergi yoxlamaları, 8%-i vergi borcları, 3,4 %-i vergidən yayınma, nağd hesablaşmaların aparılması qaydalarının pozulması, qanunsuz sahibkarlıq fəaliyyəti, qalanları digər məsələlərlə bağlı olub.
Müraciətlərin 68,2%-i müsbət həll olunub.
Hesabat dövründə vergi orqanlarında ümumilikdə 405 vətəndaş qəbul edilib.
