Türkiyə təyyarəçiləri gəldi
Türkiyə Hərbi Hava Qüvvələrinin uçuş və mühəndis-texniki heyəti “TurAz Qartalı – 2017” birgə təlimlərində iştirak üçün Azərbaycana gəlib. Mod.gov.az-ın 14 sentyabr məlumatına görə, heyətlərin yerləşdirilməsi, təlimin planlaşdırılması və digər təşkilati məsələlər həyata keçirilir.
Sentyabrın 18-dən 30-dək keçiriləcək təlimlərə Azərbaycan və Türkiyə Hərbi Hava Qüvvələrinə məxsus MiQ-29, F-16, Su-25, C-130 Herkules, CASA CN-235 təyyarələri və Mi-35, Mi-17, Sikorski S-70 helikopterlərindən ibarət aviasiya vasitələri qatılacaq. Rəsmi açıqlamaya görə, təlimlərdə Hərbi Hava Qüvvələrinin müştərək fəaliyyətlərinin planlaşdırılması, əməliyyatların keçirilməsi üzrə qarşılıqlı fəaliyyət, döyüş uzlaşması imkanlarının öyrənilməsi, axtarış-xilasetmə tədbirlərinin icrası, havadan zərbələr endirməklə yer hədəflərinin məhv edilməsi və digər tapşırıqlar yerinə yetiriləcək.
