Jurnalist son söz deyib
Sentyabrın 15-də Şəki Ağır Cinayətlər Məhkəməsində “Azadlıq” qəzetinin bölgə müxbiri Elçin İsmayıllının işi üzrə növbəti proses keçirilib.
Azadliq.info xəbər verir ki, Elçin İsmayıllı prosesdə son sözlə çıxış edib. O, həbsinin jurnalist fəaliyyəti ilə əlaqəli olduğunu deyib.
Vəkillər Elçin Sadıqov və İslam İsmayılov müdafiə çıxışlarında işin qurama və sifarişli olduğunu bildirərək bəraət hökmü çıxarılmasını istəyiblər.
Hökmün sentyabrın 18-də elan ediləcəyi gözlənilir.
Xatırladaq ki, sentyabrın 8-də dövlət ittihamçısı Elçin İsmayıllıya 10 il həbs cəzası verilməsini təklif edib.
Elçin İsmayıllı Cinayət Məcəlləsinin 182 (hədə-qorxu ilə tələb etmə) və 308-ci (vəzifə səlahiyyətlərindən sui-istifadə) maddələri ilə ittiham olunur. O, 2017-ci il fevralın 17-də İsmayıllı rayonunda həbs olunub.
