Azərbaycan nefti yenə bahalaşdı
Sentyabrın 15-də Nyu-York birjasında “Layt” markalı neftin bir barreli 49,75 dollara, London birjasında “Brent” markalı neftin bir barreli 55,30 dollara satılır.
92 sent bahalaşan “AzəriLayt” markalı neftin bir barreli isə 58,55 dollardır.
Novator.az bildirir ki, sentyabrın 5-də “AzəriLayt” 54,55 dollara satılıb. Sonrakı günlərdə qiymət 56,51 dollara yüksəlib.
Sentyabrın 8-də eniş qeydə alınıb: 56,36 dollar. Ancaq bir gün sonra Azərbaycan nefti bahalaşaraq 56,62 dollara təklif olunub.
Sentyabrın 12-də qiymət 55,86 dollara düşüb, bir gün sonra 56,90 dollara, sentyabrın 14-də isə 57,63 dollara qalxıb.
Azərbaycanın 2017-ci il büdcəsində neftin qiyməti 40 dollar hesablanıb.
AZƏRTAC-ın məlumatına görə, “Brent” markalı neftin bir barreli sentyabrın 11-dən bəri 4 faiz bahalaşıb, aprelin 17-dən bəri ən yüksək qiymətə satılıb.
“Layt” markalı neftin bir barreli də həftənin əvvəlindən 6 faiz bahalaşaraq mayın 25-dən bəri ən yüksək qiymətə təklif olunub.
Ekspertlər qiymət artımını qlobal neft tədarükünün avqustda azalması, Neft İxrac Edən Ölkələr Təşkilatına (OPEK) üzv ölkələrin istehsalını azaltmaqla bağlı öhdəliyə əməl etmələri ilə əsaslandırır.
