Qadınlar kişilərdən 26% az maaş alır
Rusiyada qadınların əməkhaqqı kişilərin maaşından 26% azdır. Novator.az-ın məlumatına görə, baş nazirin müavini Olqa Qolodets sentyabrın 14-də belə açıqlama verib.
Hökumət rəsmisi qeyd edib ki, 2015-ci ilin yekununda kişilərin orta əməkhaqqı 38,6 min rubl (1135 manat), qadınların orta əməkhaqqı 28 min rubl (823 manat) olub.
Olqa Qolodets qeyd edib ki, 2005-ci ildə qadınların maaşı kişilərin əməkhaqqının 60%-i həddində olub, bu gün isə 72%-i qədərdir.
Baş nazirin müavini kişilərlə qadınların maaşı arasındakı ən az fərqin təhsil sektorunda qeydə alındığını vurğulayıb. O, elmlər namizədlərinin 41%-nin, elmlər doktorlarının 25%-nin qadınlar olduğunu əlavə edib.
Səidə Hüseynova
