Müəllimlərin işə qəbulu barədə yeni rəsmi məlumat
Müəllimlərin işə qəbulu üzrə müsabiqənin ikinci turu başa çatıb. Novator.az-ın məlumatına görə, Təhsil Nazirliyi bildirir ki, bu mərhələdə 933 nəfər müəllim olmaq hüququ qazanıb. Ümumtəhsil müəssisələrində işləyən 125 nəfər müəllim bu mərhələdə iş yerini dəyişib.
Müsabiqənin birinci mərhələsi üzrə 4 min 454 nəfər müəllim adını qazanmışdı.
Ötən və cari tədris ilində keçirilən müsabiqənin nəticələrinə əsasən, müvafiq keçid balını toplamış şəxslər barədə məlumatlar rayon (şəhər) təhsil şöbələrinin (idarələrinin) rəsmi saytında yerləşdirilib.
Ümumi təhsil müəssisələrində boş qalan vakant yerlərə müddətli müqavilə əsasında işə qəbul zamanı bal ardıcıllığı nəzərə alınmaqla həmin məlumatlardan istifadə olunması nəzərdə tutulub.
