8 ayda 14 faiz bahalaşma gedib
Dövlət Statistika Komitəsi yanvar-avqust aylarında istehlak bazarında qiymətlərin necə dəyişdiyini açıqlayıb. Novator.az-ın məlumatına görə, bildirilir ki, 8 ayda istehlak məhsullarının və xidmətlərin qiymətləri 2016-cı ilin müvafiq dövrünə nisbətən 14 faiz artıb.
Ərzaq məhsullarının 18,2 faiz, qeyri-ərzaq mallarının 12,6 faiz, əhaliyə göstərilən ödənişli xidmətlərin 9,6 faiz bahalaşdığı qeyd olunur.
Avqust ayında iyula nisbətən istehlak məhsullarının və xidmətlərin qiymətləri 0,2 faiz, o cümlədən ərzaq məhsullarının qiymətləri 0,3 faiz, qeyri-ərzaq mallarının qiymətləri 0,1 faiz, əhaliyə göstərilən ödənişli xidmətlərin qiymətləri 0,2 faiz yüksəlib.
