Ticarət tərəfdaşları: 8 ayda Türkiyə önə çıxıb
Dövlət Gömrük Komitəsi Azərbaycanın əsas xarici ticarət tərəfdaşlarını açıqlayıb. Novator.az-ın məlumatına görə, hesabatda bildirilir ki, 2017-ci ilin yanvar-avqust ayları üzrə ən əsas tərəfdaş Türkiyə ilə ticarətin həcmi ümumi dövriyyənin 14,65 faizini təşkil edib.
İtaliya 13,99 faizlə ikinci, Rusiya 10,21 faizlə üçüncü tərəfdaş olub.
İxracda əsas ölkələrin siyahısında 21,42 faizlə İtaliya öndə gəlib. İdxalda əsas ölkənin isə Rusiya olduğu (17,23 faiz) bildirilir.
Yanvar-avqust aylarında Azərbaycanın MDB ölkələrinə ixracı 2016-cı ilin 8 ayı ilə müqayisədə 55,87 faiz artıb.
Avropa İttifaqı ölkələrinə ixracda 32,42 faiz azalma, digər ölkələrə ixracda 8,44 faiz artım olub.
MDB ölkələrindən idxal 2016-cı ilin yanvar-avqust ayları ilə müqayisədə 6,48 faiz artıb.
Avropa İttifaqından idxalda 25,65 faiz azalma, digər ölkələrdən idxalda 3 faiz artım var.
