Rusiya iqtisadiyyatı yarım illə necə üzülüşüb?
Bu ilin birinci yarısında Rusiyada ümumi daxili məhsul (ÜDM) 1,7% artıb. Novator.az-ın məlumatına görə, baş nazir Dmitri Medvedyev sentyabrın 13-ü federal büdcənin icrasına dair hökumət iclasında belə deyib.
Baş nazir yanvar-iyun aylarında ÜDM-in 42 trilyon rubl dəyərində artdığını və ikinci yarım ildə bu artımın davam etdiyini vurğulayıb. Medvedyev birinci yarım ildə vergi və yığımlardan daxil olan büdcə gəlirlərinin neft-qaz gəlirlərini aşdığını bildirib.
Hökumət başçısı hesabat dövründə büdcə gəlirlərinin 14% artdığını qeyd edib. O bildirib ki, ilk yarım ilin yekununa görə, federal büdcənin gəlirləri 7 trilyon rublu aşıb və bu, 2016-cı ilin müvafiq dövrü ilə müqayisədə 21,5% çoxdur. Medvedyev ilk 6 ayda büdcə xərclərinin 7,5 trilyon təşkil etdiyini açıqlayıb.
Hökumət başçısı 6 ayda büdcə kəsirinin 1% təşkil etdiyini vurğulayıb.
Səidə Hüseynova
