Prezident iki diplomatı geri çağırdı
Sentyabrın 12-də prezident İlham Əliyev Faiq Bağırovun Azərbaycanın Türkiyədə, eyni zamanda Makedoniya Respublikasında fövqəladə və səlahiyyətli səfiri vəzifəsindən geri çağırılması haqda sərəncam imzalayıb.
Dövlət başçısının imzaladığı digər sərəncamla Xəzər İbrahim Azərbaycanın NATO yanında nümayəndəliyinin başçısı vəzifəsindən geri çağırılıb.
Novator.az xatırladır ki, Faiq Bağırov Türkiyədə fövqəladə və səlahiyyətli səfir vəzifəsinə 2010-cu ilin iyununda təyin olunmuşdu. Həmin ilin oktyabrında isə o, iqamətgahı Ankara şəhərində olmaqla, eyni zamanda Azərbaycanın Makedoniya Respublikasında fövqəladə və səlahiyyətli səfiri vəzifəsinə təyinat almışdı.
Xəzər İbrahim Azərbaycanın NATO yanında nümayəndəliyinə 2011-ci ilin martından başçılıq edirdi.
