Donbas müharibəsinin itkiləri
Ukraynanın Donbas bölgəsində 2014-cü ildən davam edən silahlı münaqişədə 34 min 766 nəfər zərər çəkib. Novator.az-ın məlumatına görə, BMT-nin sentyabrın 12-də açıqladığı hesabatda belə deyilir.
Hesabata əsasən, Donbas müharibəsində 10 min 225 nəfər həlak olub, 24 min 541 nəfər yaralanıb.
Ölənlərin 2 min 505 nəfəri dinc sakinlərdir. 7-9 min arası mülki şəxsin xəsarət aldığı bildirilir.
2014-cü ilin iyul ayında raketlə vurulmuş sərnişin təyyarəsində ölən 298 nəfər də hesabata əlavə olunub.
2014-cü ilin fevralında Ukraynada hakimiyyət xalq üsyanı ilə dəyişib, Rusiyanın adamlarını Qərbə yaxın qüvvələr əvəzləyib. Bundan dərhal sonra Rusiya Ukraynanın Krım bölgəsini hərbi güclə tutaraq özünə birləşdirib və Donbasda iki separatçı rejimin əli ilə bu bölgənin bir hissəsini işğal edib. Ümumilikdə ölkə ərazisinin 7,2%-i işğal olunub, dövlət sərhədinin 409,7 kilometrinə nəzarət itirilib.
Səidə Hüseynova
