Çempionlar Liqasında neçə çempion var?
Yeni mövsümdə UEFA Çempionlar Liqasının qrup mərhələsinə vəsiqə almış 32 komandanın 17-si bu il öz ölkəsində çempion olub. Novator.az bildirir ki, İspaniyadan “Real”, Almaniyadan “Bavariya”, İngiltərədən “Çelsi”, İtaliyadan “Yuventus”, Portuqaliyadan “Benfika”, Fransadan “Monako”, Rusiyadan “Spartak”, Ukraynadan “Şaxtyor”, Belçikadan “Anderlext”, Hollandiyadan “Feyenoord”, Türkiyədən “Beşiktaş”, İsveçrədən “Bazel”, Yunanıstandan “Olimpiakos”, Kiprdən APOEL, Şotlandiyadan “Seltik”, Azərbaycandan “Qarabağ”, Sloveniyadan “Maribor” turnirdə çempionlar kimi təmsil olunurlar.
7 komanda – İspaniyadan “Barselona”, Almaniyadan “Leypsiq”, İngiltərədən “Tottenhem”, İtaliyadan “Roma”, Portuqaliyadan “Portu”, Fransadan PSJ, Rusiyadan SSKA bu il milli çempionatlarda 2-ci yeri tutublar.
Ölkə çempionatlarında 3-cü yeri tutaraq Çempionlar Liqasına 5 komanda adlayıb: İspaniyadan “Atletiko”, Almaniyadan “Borussiya” (Dortmund), İngiltərədən “Mançester Siti”, İtaliyadan “Napoli”, Portuqaliyadan “Sportinq”.
İspaniyadan “Sevilya”, İngiltərədən “Liverpul” Çempionlar Liqasına öz ölkələrinin milli çempionatında 4-cü yeri tutaraq qatılıblar.
“Mançester Yunayted” isə bu il İngiltərə çempionatında 6-cı yeri tutub. O, qrup mərhələsinə Avropa Liqasının qalibi kimi vəsiqə əldə edib.
