Baş katib alqışlayır və təklif edir
Avropa Şurasının baş katibi Torbyorn Yaqland “Turan” informasiya agentliyinin direktoru Mehman Əliyevin həbsdən buraxılmasına münasibət bildirib. O deyib ki, jurnalistin həbsdən buraxılması alqışlansa da, ona qarşı ittihamlar qüvvədə qalır. Baş katib Azərbaycan hakimiyyətini Avropa İnsan Hüquqları Konvensiyasına uyğun öhdəliklərinə tam əməl etməyə, media və jurnalistlərin qorxudulmadan, kənar təsirə məruz qalmadan fəaliyyətinə şərait yaratmağa çağırıb.
Xəbəri Azadliq.org yayıb.
Mehman Əliyev sentyabrın 11-də ev dustaqlığına buraxılıb. O, avqustun 24-dən həbsdə idi. Jurnalist Vergilər Nazirliyində qaldırılmış cinayət işi üzrə qanunsuz sahibkarlıq, vergidən yayınma və vəzifə səlahiyyətlərindən sui-istifadədə ittiham olunur.
