Batan banklar: əmanətçilərə nə qədər zərər ödənib?
Əmanətlərin Sığortalanması Fondu ləğv prosesində olan 11 bank üzrə 747 milyon 881 min manatdan artıq kompensasiya ödəyib.
Sentyabrın 8-də yayılan rəsmi məlumata görə, “Bank Standard”da qorunan əmanətlərin 99,2 faizi qapanıb.
“Yunayted Kredit Bank”ın əmanətçiləri 2 milyon 99 min manat kompensasiya öhdəliyinin 87,5 faizini alıblar.
“Bank of Azerbaijan”ın əmanətçilərinə ümumi kompensasiya öhdəliyinin 97 faizi, “Gəncəbank”ın əmanətçilərinə 94 faizi, “Texnikabank”ın əmanətçilərinə 98,2 faizi, “Parabank”ın əmanətçilərinə 98,5 faizi, “Zaminbank”ın əmanətçilərinə 99,3 faizi, “Kredobank”ın əmanətçilərinə 99,6 faizi, “Dekabank”ın əmanətçilərinə 98,8 faizi, “Atrabank”ın əmanətçilərinə 98,2 faizi, Qafqaz İnkişaf Bankının əmanətçilərinə 95,9 faizi verilib.
