İlham Əliyev 212 saylı məktəbdə yaradılan şəraitlə tanış olub
Prezident İlham Əliyev sentyabrın 7-də paytaxtın Nərimanov rayonunda əsaslı təmir edilən 212 saylı tam orta məktəbdə yaradılan şəraitlə tanış olub.
AZƏRTAC xəbər verir ki, təhsil ocağının 51 sinif, 2 informatika, 3 laboratoriya otaqlarından, idman və akt zallarından, yeməkxanadan, həmçinin hərbi otaqdan ibarət 1320 şagird yerlik mövcud korpusu 1963-cü ildən fəaliyyət göstərir.
Məktəbin binası yüksək səviyyədə əsaslı təmir edilib, təhsil müəssisəsi internet sistemi və müasir tədris avadanlıqları ilə təchiz olunub, həyətyanı ərazi abadlaşdırılıb, yaşıllıq zolağı salınıb, işıqlandırma sistemi quraşdırılıb.
