Çağrı mərkəzlərinə nə qədər adam üz tutub?
Bu ilin avqust ayında Əmək və Əhalinin Sosial Müdafiəsi Nazirliyinin 142 və 190 çağrı mərkəzlərinə vətəndaşlardan 11 min 890 müraciət daxil olub. Rəsmi hesabata görə, müraciətlər əsasən sosial təminat, əmək qanunvericiliyi, pensiya və müavinətlər, sosial sığorta, məşğulluğun təminatı, tibbi-sosial ekspertiza və reabilitasiya, əmək və sosial müdafiə sahəsində elektron xidmətlərdən istifadə ilə bağlı sahələri əhatə edib.
Vətəndaş müraciətlərinin 95,7 faizi sorğu xarakterli olub. Digər müraciətlər nazirliyin aidiyyəti bölmələrində araşdırılaraq müvafiq tədbirlər görülüb.
Çağrı mərkəzləri vasitəsilə cavablandırılmış zənglərin sayı iyul ayı ilə müqayisədə 3,9% azalıb.
