Okeaniyada qalib müəyyənləşdi
Okeaniyada 2018-ci ilin dünya futbol çempionatına vəsiqə uğrunda seçmə mərhələ başa çatıb. Novator.az-ın məlumatına görə, sentyabrın 5-də Solomon adaları Yeni Zelandiyanı qəbul edib. Oyun 2:2 hesabı ilə bitib. İlk matçda 6:1 üstün olmuş Yeni Zelandiya növbəti raunda adlayıb.
Noyabrda Yeni Zelandiya dünya çempionatına vəsiqə üçün Cənubi Amerikada beşinci yeri tutan komanda ilə iki oyun keçirəcək.
10 komandanın bir qrupda yarışdığı Cənubi Amerikada dünya çempionatına birbaşa vəsiqə zonasında Braziliya, Kolumbiya, Uruqvay və Çili qərar tutur. Argentina beşinci yerdədir.
Rusiyada keçiriləcək final mərhələsinə indiyəcən Cənubi Amerikadan Braziliya, Asiyadan İran və Yaponiya, Şimali və Mərkəzi Amerikadan Meksika, Avropadan Belçika vəsiqə alıb.
