Əmək Müfəttişliyi Xidmətinin 8 aylıq hesabatı
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti 8 aylıq hesabat yayıb. Rəsmi məlumata görə, xidmətin vətəndaş müraciətləri əsasında keçirdiyi tədbirlərlə yanvar-avqust aylarında işəgötürənlərin gecikdirdiyi sosial xarakterli ödənişlərdən ibarət 77 min 115 manat vəsaitin işçilərə ödənilməsi təmin edilib. Həmin vəsaitin 71 min 358 manatı əməkhaqqı, 3 min 701 manatı sosial müavinət və kompensasiya olub. Qalan hissəni zərərə görə ödənclər təşkil edib.
Hesabat dövründə müraciətlərin araşdırılması zamanı 6 nəfərin işdən qeyri-qanuni azad edildiyi müəyyənləşib və görülən tədbirlər nəticəsində onlar əvvəlki işlərinə bərpa ediliblər.
