Nazir ön cəbhəyə baş çəkib
Müdafiə naziri general-polkovnik Zakir Həsənov sentyabrın 1-də cəbhə zonasında yerləşən hərbi birliyə gedib. Düşmənlə bilavasitə üzbəüz səngərlərdə döyüş növbətçiliyi aparan hərbi qulluqçuları Qurban bayramı münasibətilə təbrik edən nazir əməliyyat şəraiti barədə məruzələri dinləyib, bölmələrin döyüş hazırlığı səviyyəsini və döyüş növbətçiliyinin təşkilini yoxlayıb, qarşıda duran vəzifələri dəqiqləşdirib.
Mod.gov.az xəbər verir ki, ön xətdə qurbanlar kəsilib, hərbi qulluqçulara bayram sovqatları verilib, xidmətdə fərqlənənlər qiymətli hədiyyələrlə mükafatlandırılıb və çay süfrəsi arxasında şəxsi heyətlə söhbət aparılıb.
