“Qarabağ”ın ev oyunlarının ünvanı dəyişdi
UEFA Çempionlar Liqasında Azərbaycanı təmsil edən “Qarabağ” komandası qrup mərhələsində ev oyunlarını Bakı Olimpiya Stadionunda keçirəcək.
Novator.az xatırladır ki, “Qarabağ” C qrupunda İngiltərənin “Çelsi”, İspaniyanın “Atletiko”, İtaliyanın “Roma” komandaları ilə mübarizə aparacaq. Qrupda oyunlara sentyabrın 12-də start veriləcək. Həmin gün “Qarabağ” Londonda “Çelsi” ilə üz-üzə gələcək.
Sentyabrın 27-də “Qarabağ “ Bakıda “Roma”nı, oktyabrın 18-də “Atletiko”nu qəbul edəcək.
Oktyabrın 31-də “Atletiko”nun qonağı olacaq “Qarabağ” noyabrın 22-si Bakıda “Çelsi” ilə görüşəcək, qrup turnirini dekabrın 5-i İtaliya paytaxtında “Roma” ilə oyunda bitirəcək.
“Qarabağ” indiyədək Avropanın klub turnirlərində ev oyunlarını Bakıda, 31 min 200 yerlik Tofiq Bəhramov adına Respublika stadionunda keçirib. Azarkeş çoxluğunu nəzərə alan “Qarabağ” ev oyunlarını daha çox azarkeş tutan Bakı Olimpiya Stadionunda keçirmək üçün UEFA-ya müraciət edib. UEFA komandanın müraciətinə müsbət cavab verib.
Bakı Olimpiya Stadionu 68 min 500 tamaşaçı tutur.
“Qarabağ”ın rəqibləri, oyunların təqvimi
“Qarabağ” 57,2 milyon avro qazana bilər
Seçmə mərhələ finişə üz tutur (Bütün qruplarda vəziyyət)
