Vergidə iş müsabiqəsinin şərtləri
Vergilər Nazirliyi işə qəbul müsabiqəsi elan edib. Sənədlər elektron ərizə vasitəsilə 30 avqust saat 10-dan 13 sentyabr saat 24-dək qəbul olunur. Müsabiqədə bu ixtisaslar üzrə ali təhsilli, yaşı 35-i keçməmiş vətəndaşlar buraxılır:
Hüquqşünaslıq;
Beynəlxalq hüquq;
Maliyyə;
İqtisadiyyat;
Statistika;
Beynəlxalq iqtisadi münasibətlər;
Mühasibat uçotu və audit;
Maliyyə və kredit;
İqtisadiyyatın tənzimlənməsi;
Əməyin iqtisadiyyatı və sosiologiyası;
İqtisadi kibernetika;
Qiymət və qiymətin əmələ gəlməsi;
Xəzinə əməliyyatlarının uçotu;
İqtisadi nəzəriyyə;
Vergilər və vergitutma;
Sığorta işinin təşkili;
Milli hesablar sistemi;
Qiymətləndirmə (sahələr üzrə);
Qiymətli kağızlar;
İstehsalat və xidmət sahələrinin iqtisadiyyatı və idarə edilməsi (sahələr üzrə);
Aqrar istehsalatın iqtisadiyyatı və idarə edilməsi;
Ticarət və istehlak kooperasiyasının iqtisadiyyatı və idarə edilməsi;
Gömrük işinin təşkili;
İqtisadiyyatın hüquqi tənzimlənməsi;
Vergi işinin təşkili və idarə edilməsi;
Tətbiqi riyaziyyat;
İnformatika;
İnformasiya texnologiyaları və sistemləri mühəndisliyi;
Maliyyə nəzarəti və audit.
MBA proqramı üzrə fərqli ixtisaslı namizədlərin uyğunluğuna komissiyada baxılaraq qərar verilir.
Vətəndaş məhkəmənin qanuni qüvvəyə minmiş qərarı ilə məhdud fəaliyyət qabiliyyətli və ya fəaliyyət qabiliyyəti olmayan hesab edildikdə; üzərindən məhkumluğu götürülmədikdə və ya ödənilmədikdə vergi orqanlarında xidmətə qəbul oluna bilməz.
Qanunla müəyyən olunmuş müddətli həqiqi hərbi xidmət keçməmiş (qanuni əsaslarla müddətli həqiqi hərbi xidmətə çağırışdan möhlət hüququ olanlar və ya müddətli həqiqi hərbi xidmətə çağırışdan azad edilənlər istisna olmaqla) çağırış yaşlı vətəndaşlar dövlət vergi orqanlarında xüsusi rütbələr nəzərdə tutulmuş vəzifələrə xidmətə qəbul edilmirlər.
