Ukraynada kim nə qədər maaş alır?
Ukraynada orta əməkhaqqı ötən ay 2016-cı ilin iyul ayı ilə müqayisədə 36,6% artaraq 7339 qrivna olub (1 Ukrayna qrivnası 0,0668 manatdır). Novator.az-ın məlumatına görə, Ukraynanın Dövlət Statistika Xidməti belə hesabat yayıb.
Dövlət Statistika Xidməti bildirir ki, ötən ay ən yüksək orta maaş aviasiya sahəsində qeydə alınıb: 33233 qrivna.
Maliyyəçilər və sığorta agentləri orta hesabla 13521 qrivna alıblar.
İnformasiya və telekommunikasiya sahəsində orta əməkhaqqının 11822 qrivna, alimlərin orta maaşının 10094 qrivna olduğu bildirilir.
Sənayedə orta əməkhaqqı 7785 qrivna, kənd təsərrüfatında 6293 qrivna göstərilib.
Poçt işçiləri və kuryerlərin hamıdan az – orta hesabla 3763 qrivna maaş aldığı qeyd olunur.
Kiyevdə orta maaş 11412 qrivna, Donetsk vilayətində 7887 qrivnadır. Ən aşağı orta maaş Ternopol vilayətində qeydə alınıb: 5678 qrivna.
