Yeni məzənnələr
Avqustun 29-da avro, gürcü larisi və Rusiya rublunun rəsmi məzənnələrində artım qeydə alınıb, türk lirəsi isə ucuzlaşıb.
Novator.az-ın məlumatına görə, avro banklara 2,0367, gürcü larisi 0,7047, Rusiya rublu 0,0291, türk lirəsi 0,4921 manata təklif olunur (Məzənnələr).
Mərkəzi Bank ABŞ dollarının kursunu dəyişməyib: 1,7009 manat. Bu qiymət avqustun 23-dən qüvvədədir.
2017-ci ildə dollar 1,7707 manatla start götürüb. Ən yuxarı rəsmi qiymət yanvarda 1,9165, fevralda 1,92, martda 1,7563, apreldə 1,7244, mayda 1,7026, iyunda 1,7023, iyulda 1,7022 manat olub.
Avqust 1,7009 manatla başlayıb, ayın 2-də kurs 1,7008 manata, ayın 9-da 1,7007 manata düşüb, avqustun 16-dan isə bahalaşma gedib.
