Rəsmi sayt xətanı aradan qaldırıb
Dövlət başçısının rəsmi saytı President.az Azərbaycan Konstitusiyasının mətnindəki xətanı aradan qaldırıb.
2016-cı il sentyabrın 26-da keçirilmiş referendumda Azərbaycan Konstitusiyasına əlavə və dəyişikliklər edilib. Referendumla konstitusiyanın 9, 56, 85-ci maddələri də dəyişib.
Novator.az prezidentin rəsmi saytında 9, 56, 85-ci maddələrin konstitusiyanın 26 sentyabr 2016-cı ilədək olan variantındakı kimi qaldığına diqqət çəkmişdi.
Avqustun 29-da President.az yanlışlığı aradan qaldırıb və artıq dövlət başçısının rəsmi saytında Azərbaycan Konstitusiyasının düzgün variantı yer alır.
