Qiymətlər hərracın gedişində qalxdı
Əmlak Məsələləri Dövlət Komitəsi avqustun 29-da hərrac keçirib. Rəsmi məlumata görə, hərracda 1 kiçik dövlət müəssisəsi, 10 istifadəsiz qeyri-yaşayış sahəsi, 1 nəqliyyat vasitəsi özəlləşdirilib. Həmin əmlakların hamısı Bakıda yerləşir.
Suraxanı rayonundakı 55 saylı hamam torpaq sahəsi ilə birlikdə satılıb.
Yasamal rayonunda yerləşən qeyri-yaşayış sahəsinin start qiyməti 6 min manat olub, sonda əmlaka 12 min manat təklif edilib.
Suraxanı rayonunda yerləşən qeyri-yaşayış sahəsinin hərracında da eyni hal müşahidə olunub. Əmlakın qiyməti 2 min 500 manatdan 4 min 600 manatadək yüksəlib.
