Nazirlik iki yanğınla bağlı rəsmi məlumat yayıb
Ekologiya və Təbii Sərvətlər Nazirliyi bildirir ki, avqustun 28-də Qəbələ Meşə Mühafizəsi və Bərpası Müəssisəsinin (MMBM), avqustun 29-da isə Oğuz MMBM-in ərazisində yanğın hadisələri baş verib.
Qəbələ MMBM-də yanğın avqustun 29-u saat 15 radələrində lokallaşdırılıb. İlkin hesablamalara görə, 10 hektara yaxın ərazidə quru ot və kol örtüyü yanıb.
Oğuz MMBM-də yanğın isə saat 14 radələrində tam söndürülüb. Yarım hektar ərazidə quru ot və kol örtüyü yanıb.
Yanğınların hansı səbəbdən baş verməsi və dəymiş ziyanın həcminin müəyyən olunması məqsədilə araşdırma aparılır.
