Ermənistanın müdafiə nazirinin müavini postdan getdi
Avqustun 29-da Ermənistan prezidenti Serj Sərkisyan Ara Nazaryanı müdafiə nazirinin müavini postundan azad edib. 52 yaşlı Ara Nazaryan həmin postu 2007-ci ilin iyun ayından tuturdu.
Baş nazirin sərəncamı ilə Ara Nazaryan fövqəladə hallar nazirinin müavini təyin olunub.
Novator.az-ın məlumatına görə, Yerevan Dövlət Universitetinin məzunu olan Ara Nazaryan Müdafiə Nazirliyi sistemində işə 1994-cü ildən, Hərbi Polis İdarəsinin istintaq şöbəsinin əməkdaşı kimi başlayıb, sonradan Hərbi Prokurorluqda çalışıb.
1998-2000-ci illərdə Ara Nazaryan ictimai təşkilatda hüquqşünas vəzifəsində işləyib, 2002-ci ildən Mülki Xidmət Şurası sədrinin müşaviri olub.
