![]({"full":{"0":"2017\/08\/partlayish.jpg","1":750,"2":510,"3":false,"file":"https:\/\/novator.az\/wp-content\/uploads\/2017\/08\/partlayish.jpg"}})
Zakir Həsənov əraziyə baxıb, toplantı keçirib
- 28 Avqust 2017
- comments
- Səidə Hüseynova
- Posted in ManşetXəbər
Müdafiə Nazirliyinin N saylı hərbi hissəsinin silah anbarında baş vermiş yanğınla bağlı yaradılmış qərargahın toplantısı keçirilib. Xəbəri avqustun 28-də Mod.gov.az yayıb.
Ərazidə olan müdafiə naziri general-polkovnik Zakir Həsənov idarə və xidmət rəislərinin iştirakı ilə xidməti müşavirə keçirib, digər dövlət qurumları ilə qarşılıqlı və əlaqəli fəaliyyətin davam etdirilməsi barədə göstərişlər verib.
Partlayışın nəticələrinin aradan qaldırılması və digər məsələlərin araşdırılması istiqamətində işlər davam etdirilir.
Müdafiə Nazirliyi bildirir ki, utilizasiya məqsədilə hərbi hissənin ərazisinə toplanmış silah-sursat hazırda əhali, eləcə də şəxsi heyət üçün təhlükə yaratmır və partlamış köhnə sursatların Silahlı Qüvvələrin döyüş hazırlığına heç bir təsiri yoxdur.