![]({"full":{"0":"2017\/08\/Qarabag-komanda-2.jpg","1":750,"2":500,"3":false,"file":"https:\/\/novator.az\/wp-content\/uploads\/2017\/08\/Qarabag-komanda-2.jpg"}})
“Qarabağ”ın rəqibləri milli çempionatlarda
- 28 Avqust 2017
- comments
- Səidə Hüseynova
- Posted in AktualXəbər
UEFA Çempionlar Liqasında Azərbaycanı təmsil edən “Qarabağ” komandası Azərbaycan çempionatında 3 tura 9 xal yığıb, liderdən top fərqinə görə geri qalaraq 8 komanda arasında 2-ci sıradadır.
Novator.az “Qarabağ”ın C qrupundakı rəqiblərinin durumuna da nəzər salıb.
“Çelsi” İngiltərə çempionatında 3 tura 6 xal toplayıb və 20 komanda arasında 6-cı pillədə dayanır.
“Atletiko” İspaniya çempionatında 2 tura 4 xal toplayaraq 20 komanda arasında 4-10-cu yerləri bölüşür, top fərqinə görə üst pillədədir.
“Roma” İtaliya çempionatında 2 tura 3 xal yığa bilib və 20 komanda arasında 11-ci pillədə qərarlaşıb, 10-cu yerin sahibinə top fərqi ilə uduzur.
C qrupunda oyunlara sentyabrın 12-də start veriləcək. Həmin gün “Qarabağ” Londonda “Çelsi” ilə üz-üzə gələcək.
Sentyabrın 27-də “Qarabağ “ Bakıda “Roma”nı, oktyabrın 18-də “Atletiko”nu qəbul edəcək.
Oktyabrın 31-də “Atletiko”nun qonağı olacaq “Qarabağ” noyabrın 22-si Bakıda “Çelsi” ilə görüşəcək, qrup turnirini dekabrın 5-i İtaliya paytaxtında “Roma” ilə oyunda bitirəcək.