Prezidentin köməkçisi orden aldı
Avqustun 28-də prezident İlham Əliyev Natiq Əmirovu 1-ci dərəcəli “Vətənə xidmətə görə” ordeni ilə təltif edib. Təltif Natiq Əmirovun dövlət qulluğunda səmərəli fəaliyyəti ilə əsaslandırılıb.
Novator.az bildirir ki, Natiq Əmirovun 50 yaşı tamam olur. 1967-ci ildə Şabran rayonunda anadan olan Natiq Əmirov Sankt-Peterburq Maliyyə-İqtisad İnstitutunu iqtisadçı, Təfəkkür Universitetini hüquqşünas ixtisası ilə bitirib.
Uzun illər vergi orqanlarında çalışıb, vergilər nazirinin müavini və birinci müavini postlarını tutub.
2016-cı il yanvarın 25-də Natiq Əmirov prezidentin iqtisadi islahatlar üzrə köməkçisi təyin edilib. Bu il iyunun 1-dən o, prezidentin iqtisadi siyasət və sənaye məsələləri üzrə köməkçisi-şöbə müdiridir.
