Bakıda ətraf mühiti mühafizə: cəza statistikası
2017-ci ilin yeddi ayı ərzində Bakıda ətraf mühitin mühafizəsi, tullantıların düzgün idarə olunması qanunvericiliyini pozan şəxslər barədə 71 protokol tərtib olunub, 62 min manat cərimə tətbiq edilib, 57 müddətli məcburi göstəriş verilib. AZƏRTAC Bakı Şəhər Ekologiya və Təbii Sərvətlər Departamentinə istinadla belə məlumat yayıb.
Rəsmi hesabata görə, 2016-cı ildə ətraf mühitin mühafizəsi istiqamətində 75 akt, 90 protokol tərtib olunub, 63 müddətli məcburi göstəriş verilib, təqsirkarlar 89 fakt üzrə 83 min 200 manat cərimə edilib , 85 fakt üzrə işlər hüquq mühafizə orqanlarına göndərilib.
Dövlət Statistika Komitəsinin 1 yanvar 2017-ci ilə olan məlumatına əsasən, Azərbaycanda 7 milyon kubmetr həcmində məişət tullantısı əmələ gəlib.
