“Qarabağ”ın rəqibləri, oyunların təqvimi
UEFA Çempionlar Liqasında Azərbaycanı təmsil edən “Qarabağ” komandası C qrupunda İngiltərənin “Çelsi”, İspaniyanın “Atletiko”, İtaliyanın “Roma” klublarına rəqib olub.
İki dövrədən ibarət qrup mərhələsindən növbəti raunda adlamaq üçün ən azı ikinci yeri tutmaq gərəkdir.
Novator.az “Qarabağ”ın rəqibləri barədə qısa arayışı təqdim edir:
“Çelsi” 1905-ci ildə yaradılıb, London şəhərini təmsil edir.
6 dəfə İngiltərə çempionu olub, 7 dəfə İngiltərə kubokunu, 5 dəfə İngiltərə liqa kubokunu, 4 dəfə İngiltərə superkubokunu qazanıb.
1971 və 1998-ci illərdə Kuboklar kubokunu əldə edib, 2012-ci ildə Çempionlar Liqasının, 2013-cü ildə Avropa Liqasının qalibi olub, 1998-ci ildə UEFA superkubokunu əldə edib.
“Atletiko” 1903-cü ildə yaradılıb, Madrid şəhərini təmsil edir.
10 dəfə İspaniya çempionu olub, 10 dəfə İspaniya kubokunu, 2 dəfə İspaniya superkubokunu qazanıb.
1962-ci ildə Kuboklar kubokunu, 1974-cü ildə Qitələrarası kuboku əldə edib, 2010 və 2012-ci illərdə Avropa Liqasının qalibi olub və UEFA superkubokunu götürüb.
“Roma” 1927-ci ildə yaradılıb, İtaliya paytaxtını təmsil edir.
3 dəfə İtaliya çempionu olub, 9 dəfə İtaliya kubokunu, 2 dəfə İtaliya superkubokunu qazanıb.
1961-ci ildə UEFA kubokunu əldə edib.
Novator.az xatırladır ki, “Qarabağ” komandasının əsası 1951-ci ildə qoyulub. 1 dəfə Azərbaycan SSR çempionu, 5 dəfə Azərbaycan çempionu olub, 5 dəfə Azərbaycan kubokunu qazanıb.
Komanda 1996-cı ildən başlayaraq 13 dəfə Avropanın klub turnirlərinə qatılıb, 3 dəfə Avropa Liqasının qrup mərhələsinə qədər irəliləyib.
C qrupunda oyunların təqvimi:
12 sentyabr
“Çelsi” – “Qarabağ”
“Roma” – “Atletiko”
27 sentyabr
“Atletiko “– “Çelsi”
“Qarabağ “– “Roma”
18 oktyabr
“Qarabağ “– “Atletiko”
“Çelsi” – “Roma”
31 oktyabr
“Atletiko” – “Qarabağ”
“Roma” – “Çelsi”
22 noyabr
“Qarabağ” – “Çelsi”
“Atletiko” – “Roma”
5 dekabr
“Çelsi “– “Atletiko”
“Roma” – “Qarabağ”.
