“Qarabağ” 57,2 milyon avro qazana bilər
UEFA Çempionlar Liqasındakı Azərbaycan təmsilçisi “Qarabağ” qrup mərhələsinə düşməklə 12,7 milyon avro əldə edib.
C qrupunda İngiltərənin “Çelsi”, İspaniyanın “Atletiko”, İtaliyanın “Roma” klublarına rəqib olan Ağdam komandası iki dövrədən ibarət mərhələni dəf etmək üçün azı 2-ci yeri tutmalıdır.
Novator.az bildirir ki, Çempionlar Liqasının qrup mərhələsinə çıxan hər bir komanda UEFA-dan 12,7 milyon avro mükafat alır.
Qrupda qələbə 1,5 milyon avro, heç-heçə 500 min avrodur.
1/8 finala yüksəlmək 6 milyon avro mükafat gətirir.
1/4 finalın qiyməti 6,5 milyon avro, yarımfinalınkı 7,5 milyon avrodur.
Finala çıxış 11 milyon avro verir, Çempionlar Liqasının qalibi daha 4,5 milyon avro alır.
Beləliklə, qrup mərhələsində xal itirmədən Çempionlar Liqasının qalibi olan komandaya UEFA üst-üstə 57,2 milyon avro mükafat verir.
